كعكة الموز برقائق الشوكولاتة


 

زي ما بتعرفوا كل اسبوع عم بحاول اشوف شو عندي بالثلاجة وشو اشتريت مشلن استفيد منه سواءا للاسبوع او مشان الطبخ لهداك الاسبوع. بهاي الطريقة عم بضرب اكتر من عصفور بحجر واحد:

1- عم استفيد من العروض المختلفة 

2- عم اشتغل قبل بوقت وبالتالي بريح حالي بعدين لاني بلاقيه جاهز بالفريزر

3- عم بقلل قدر الامكان من الهدر بالطعام

4- عم بحضر لشهر 2 واللي رح يكون ميزانية الاكل فيه 50 دينار بس لانه الفريزر عندي مليان وما بدي اشتري الا فواكة وخضار 

5- عم بوفر طاقة لاني مشغلة الفرن مع بعض وبالتالي توفير 

اتمنى تكونوا متحمسين للفيديو اللي فيه رح اشتغل بالبطاطا الحلوة والافوكادو والفليفلة الحلوة واعمل لبن واحفظ اعشاب وسلطة جرجير باللبن والالذ من كل هاد رغيف الموز برقائق الشوكولاتة واللي استفدت من موز موجود بالفريزر


لوصفة عمل اللبن المنزلي


اما وصفة اليوم 

رغيف الموز برقائق الشوكولاتة

المقادير: 

113 غم زبدة بحرارة الغرفة (ممكن زيت بس الزبدة اطيب)

كوب سكر

2 بيض

2 ملعقة صغيرة فانيلا

2 موز مستوي حجم كبير مهروس

2 كوب طحين

ملعقة صغيرة بيكنج باودر

ملعقة صغيرة كربونات (نوع جية زي اللي استخدمته بالفيديو)

ملعقة صغيرة ملح

ملعقة طعام حليب

ملعقة صغيرة قرفة

كوب رقائق الشوكولاتة (ممكن جوز مجروش)

الطريقة:

تخلط المواد السائلة مع السكر وتخلط جيدا

تضاف بقية المواد ما عدا رقائق الشوكولاتة وتخلط جيدا

تضاف الشوكولاتة

توضع في قالب رغيف مبطن بورق خبز وتخبز بفرن حامي على 180 درجة مئوي (350 ف) لمدة 40-45 دقيقة لتجتاز اختبار الكيك واذا احتاجت وقت اطول وبدأ وجهها بالاحمرار ممكن ان تخفض الحرارة الى 165 لتجتاز اختبار الكيك

ترفع وتبرد على سلك معدني لتبرد تماما

تحفظ مغطاة لتبقى طرية.




Comments

Post a Comment

Popular Posts