تنظيف الفريزر والثلاجة: دونتس الحمص وسلطة معكرونة صيفية

 من اكتر الاشياء اللي بحب اعملها كل فترة وبحس بالسعادة والرضا هو اني اتحدى حالي واشوف شو ممكن اعمل لعيلتي من الاشياء اللي موجودة بالبيت ...بهاد الفيديو حبيت اعمل عدة اشياء من الموجود ومنها فيلادلفيا ستيك بيتزا باستخدام عجينة زايدة وروست بيف بواقي بالفريزر على امل اني انظف الفريزر تماما بنهاية شهر 7

بتمنى تستمتعوا بالفيديو ورح اشارككم بوصفتين مشهيتين واحدة منهم سلطة معكرونة والثانية دونتس بياخد العقل وبدون بيض ...وياستخدام علبة حمص...بالزبط قرأتوا مزبوط ...حمص!!! ييشهي

لازم تجربوه ورح تدعولي

دونتس الحمص

المقادير:

كوب حمص مسلوق

1/2 كوب حليب

1/2 كوب سكر

ملعقة صغيرة خل

باكيت فانيلا او ملعقة صغيرة فانيلا سائلة

3/4 كوب شوكولاتة مذابة

المواد الجافة:

3/4 ملعقة صغيرة بيكنج باودر

1/4 ملعقة صغيرة كربونات الصوديوم

كوب طحين

الطريقة:

تخلط المقادير الجافة

تخلط بقية المقادير بدون الشوكولاتة اولا بالخلاط ليصبح خليط ناعم

نضيف الشوكولاتة

نضيف المواد الجافة

نضعها بكيس ونصبها بقالب دونتس مرشوش

تخبز بفرن محمى على 350 من 10-20 دقيقة حتى تنضج (حسب حجم القالب)

للجليز:

2 كوب سكر بودرة منخل

حليب سائل يضاف بالتدريج لنصل لقوام نسبيا متماسك

نلونها او نبقيها بيضاء او نضيف القليل من الكاكاو مع المزيد من الحليب لتحويلها لشوكولاتة

وعملت جنبها سلطة معكرونة وما بدها وصفة كتير بس فعليا هي عبارة عن معكرونة مسلوقة ووضفت عليها خيار وبندورة وزيتون وارضي شوكي وجبنة فيتا وبصل اخضر وبقدونس مفروم على الوجة وحطيت اعشاب ايطالية وعصير ليمون وزيت زيتون وبس... بتشهي ومنعشة جدا

ومن الاشياء اللي عملتها بيوم تاني كمان صينية هوت دوغز برضه من الفريزر مشيت باكيت هوت دوغز

الفكرة هو اني بحاول اقدم الاشياء بشكل حلو بيفتح النفس... من اشي عادي لاشي مرتب ولزيز