براونيز الشمندر

 مؤخرا عم بكون نشيطة على اليوتيوب وبتمنى انه الفيديوهات عم تعجبكم

واحدة من الفيديوهات اللي حابة استمر بعملها واللي طابتوا مني اني اغطيها هي سناكات واكل ليوم الخميس او سهرة فيلم او حتى لسهرة باي يوم عادي.... رح احاول تكون الافكار بسيطة ومنوعة وسهلة التطبيق واشي منها بينفع مع الاطفال وموسمية كمان

سهرة الفيلم هاي حبيت انها تكون

مناسبة للاطفال من خلال انه عملنا بيتزا على شكل رجل ثلج وعملنا براونيز

مناسبة للكبار والشباب لانع عملنا برغر كاساديا

موسمية انه استغلينا الشمندر بعمل البراونيز لاعطاء رطوبة لزيزة وفائدة

سهلة جدا لانه موادها تقريبا موجودة بكل بيت وسهل تطبيقها زي ما رح او شوفتوا بالفيديو

المنيو كانت

بيتزا رجل الثلج الوصفة بالرابط

برغر كاساديا الطريقة سهلة بالفيديو اعلاه

تغميسة شوربة البصل والخضار(اللي حابين يعملوها بالبيت مش من خليط الشوربة اضغطوا على الرابط)

براونيز الشمندر

كل الوصفات جدا واضحة بالفيديو بس خلينا نكتب وصفة البراونيز بشكل واضح

براونيز الشمندر

المقادير:

2 بيضة مخفوقة مع 2 ملعقة صغيرة فانيلا

113 غم زبدة محمصة (تذاب على نار متوسطة وتترك لتتحمص ويتغير لونها الى البني)

كوب وربع سكر

3/4 كوب كاكاو

رشة ملح

3/4 كوب طحين

1/2 ملعقة صغيرة بيكنج باودر

حبة شمندر كبيرة مطونة مع ملعقتين طعام حليب

1/2 كوب شكولاتة شيبس او قطع

الطريقة:

تحضر صينية مربعة 20*20 سم وتبطن بورق الخبز

يحمى الفرن الى 165 مئوي او 325 ف

يخلط الطحين مع البيكنج باودر

يخلط السكر والكاكاووالملح

تضاف الزبدة المحمصة الساخنة وتخلط

يضاف البيض بالتدريج مع الخلط المستمر

يضاف خليط الشمندر

يضاف خليط الطحين

تخلط لتتجانس المواد ولا نبالغ بالخلط

توضع بالصينية وتخبز لمدة 30-40 د ليصبح وجهها لامع واذا قمنا باختبار الكيك يخرج العود وعليه بقايا وفتات براونيز

تترك لتبرد وتقطع

يسكب فوقها صوص شوكولاتة اذا احببتم او جليز (سكر بودرة وحليب والقليل من الفانيلا وقطرات لون نهدي)