ديكورات الشتاء وكيكة الطاقية الشتوية
من اكتر الاشياء اللي بتعدل نفسيتي هي اني اغير شوي بديكورات البيت..تغيير حسب المواسم بالعادة وعشان اعمل هالاشي بدي كل مرة اتكلف كتير مشان هيك من لما بديت هالقصة كانت عيني دايما على اشياء بتنفع للمواسم زي خريف او شتاء او ربيع او رمضان او صيفي زي الليمون او بولكا دوت...الخ من المواسم او الاشياء او الالوان اللي بحبها...وبهاي الطريقة وفرت كتير لاني ما حسيت حالي لازم ادفع مبالغ كبيرة للتغيير..العملية كانت تدريجية وحسب اللي بلاقيه بسعر مناسب وصرت اجمعهم ... من الاشياء التانية اللي ساعدتني هو اني اعمل مشاريع يديوية من مواد بسيطة موجودة عندي او تكلفة موادها قليلة لاطلع ببعض القطع اللطيفة زي ما رح تشوفوا بفيديو ديكورات الشتاء 2021
بهاد الفيديو حبيت اعمل كيكة على شكل طاقية شتوية
هالكيكة سهلة جدا وفعليا ما بدها وصفة عظيمة
مقاديرها:
كيك سادة
فراولة
كريما: عبارة عن جبنة كريمية وكريما وسكر ناعم وفانيلا
وكل التكنيك والطريقة موجودة بالفيديو
وهي شكلها من جوة
Comments
Post a Comment