سلطة الزهرة اليونانية
مع اقتراب شهر رمضان والكل قاعد يشتغل على تحضيرات خاصة للفريزر قررت قبل كل اشي اني اعمل جرد للفريزر واحاول لنه اطبخ من الاشياء اللي عندي قبل رمضان
اذا حابين تعرفوا شو الاشياء اللي براعيها قبل ما افرز للشهر الكريم بتقدروا تشوفوا الفيديو
وبالفيديو عملت سلطة سهلة وسريعة جدا كانها سلطة يونانية بس بالزهرة بدل الخس عبارة عن
زهرة (انا استخدمت النهدية وممكن طبها تستخدموا ملفوف اذا بدكم اللون النهدي) وفرمتها على مطحنة الطعام
علبة حمص
زيتون اسود
فلفل احمر واخضر مقطع
بصل اخضر
خيار
جبنة فيتا
رمان
وللصوص حطيت: عصير برتقالة وعصير نصف ليمونة وحوالي 1/3 كوب زيت زيتون وملح وملعقة صغيرة زعتر اخضر
اما المعكرونة فاستخدمت خليط بندورة جاهز من الكسيح وحطيت عليه ملعقة طعام رب بندورة وكمية منيحة من المي المغلية ورشة زيت زيتون وملح واوريغنو وحطيت معكرونة بدون سلق (زودت كمية المي لتستوي المعكرونة بعدين ضفت اجبان شيدر وموزريلا بس استوت) بتشهي وسهلة وسريعة وما بتوسخ غير طنجرة واحدة
Comments
Post a Comment