التمر الهندي بالورد

 يعتبر التمر الهندي كعصير من اشهر انواع العصائر الرمضانية وفي ناس ما بتحبه زي ما كنت انا سابقا لحد يوم من الايام قبل شي 20

سنة هههههه كانت الدنيا صيف وشوب كتير وكنت عند الخياطة وطلعنا انا واياها على محل بجبل الحسين وبعدين رجعنا على بيتها مشان القياس وضيفتني تمر هندي بااااارد وطبعا قالتلي ثمر هندي فاستحيت منها وشربت وشو عجبني يمكن لانه كان بارد كتير والدنيا نار ويمكن لانه كان محلى منيح (لانه التمر هندي بالعادة حامض) ويمكن لانه مضاف اله ماء الورد

المهم من وقتها قررت اني اصير اعمل التمر الهندي بهاي الطريقة وزي ما بقوله الباقي صار ورانا

هاد العصير مفيد جدا وكمان رخيص كتير

بفيديو تحضيرات رمضان 2022 نقعت 3 باكيتات ب 99 قرش بالمي المغلية ودعكتهم ليطلع اللب تبع التمر وصفيتهم منيح

وطلع معي تمر هندي مركز

طبعا هاد التمر العندي المركز ممكن استخدامه باي اكله بتحتاج تمر هندي مثل الحراق اصبعه او المحاشي 

وهلا برمضان باخد حوالي 1/2 كوب من المركز وبضيف عليه 2-3 كوب ماء وممكن اكتر شوي حسب كيف بتحبوه وضفت ماء ورد يدوب 1/2 معلقة كبيرة او معلقة كبيرة من مركز الورد

بيشهي ولازم تجربوه بارد جدا