Zucchini Sweet Relish

 من فترة بلشت احاول اعمل الاشياء بالبيت مش بس من باب التوفير وكمان لاني عارفة شو المكونات... في اشياء اسهل من اشياء ومن الاشياء السهلة جدا عو هاد النوع من المخللات الحلوة الحامضة اللي بنحطه بصوص البرغر

اذا مهتمين بالوصفة لصوص البرغر بتلاقوها هون

وكمان بينحط على الهوت دوغز 

وبينحط على سلطة البطاطا والمعكرونة ليعطيها طعم روعة

بالعادة كنت اشتريه جاهز بس مرات ما كنت الاقيه ومرت سعره غالي وهلا مع المقاطعة قررت اعمله بالبيت 

انا عملته بالكوسا بس ممكن تعملوه بنفس الخطوات بالخيار

الخطوات بالفيديو

مخلل ريلش بالكوسا

المقادير:

10 اكواب كوسا او خيار مبشور

4 اكواب بصل مبشور

5 ملاعق طعام ملح خشن (للتخليل)

حبة فليفلة حمراء مفرومة ناعم

2 فليفلة خضراء مفرومة ناعم

لصوص التخليل

6 اكواب سكر

1/2 2 كوب خل نسبة حموضة 5%

1 ملعقة صغيرة ماسترد بودرة 

1 ملعقة صغيرة كركم

1 ملعقة صغيرة نشا

1 ملعقة صغيرة فلفل اسود

2 ملعقة صغيرة حبوب الكرفس المطحونة

الطريقة:

نخلط الكوسا والبصل والملح بوعاء ونغطيه ونتركه بالثلاجة ليلة كاملة لينزل الماء منه

نصفيه ونغسله ونعصره من الماء جيدا

في طنجرة نخلط كل مواد التخليل ونضيف الكوسا مع البصل والفليفلة ونحرك كل فترة وعندما تغلي نخفض الحرارة ونتركها لتتسبك قليلا  على نار منخفضة من 1/2- ساعة

يمكن تعبئتها بمرتبانت ووضعها بالثلاجة في حال عدم الرغبة بالتعبئة

للتعبئة للتخزين

يعبأ الخليط الساخن في مرتبانات معقمة وتمسح الاطراف لفوهات المرتبانات وتغلق

توضع بالماء الساخن ليصل الى الغليان نغطيها ونتركها 10 دقائق اذا المرتبانات صغيرة و20 دقيقة اذا وسط و1/2 ساعة لمرتبانات الكيلو

نرفعها ونتركها بدون ان نحركها لنتأكد من برودتها وانها احكمت الاغلاق

تحفظ بخزانة المونة

توضع بالثلاجة بعد الفتح