الجبنة النابلسية من الالف للياء

الي فترة بعمل كثير انواع من منتجات الالبان بالبيت من اللبن واللبنة والشنكليش والسور كريم والجبنة الموزريلا والحلوم بالبيت وهلا اجى دور الجبنة النابلسية واللب كثير سهلة وبالعادة بتعمل بالربيع من حليب الغنم بس لانه المتوفر هلا بقر فقررت اعملها فيه ويفضل حليب غير مبستر

المقادير كتير سهلة وواضحة وممكن تعملوا كمية مضاعفة او اقل

الجبنة النابلسية 

المقادير:

4 كيلو حليب

3 ملاعق طعام ملح خشن

4 اكياس منفحة وزن غم للكيس مذاب بكوب حليب نأخذه من الكمية ال 4 كيلو

للغلي:

عدة حبات من المحلب والمستكة المطحونة معا خشن ونضعها بصرة شاش

ملح خشن

حبة البركة (اختياري)

الطريقة:

نسخن الحليب ليصبح دافئ 32 م

نضيف المنفحة المذابة بكوب الحليب ونحرك ونغطيها 3 ساعات ستجمد

تقطع مثل الفيديو وتصفى جيدا مع الاحتفاظ بماءها للغلي لاحقا وتصفى بشاش مدة ليلة بالثلاجة

تقطع مستطيلات

نسخن المصل الذي تصفى منها مع صرة المستكة والمحلب والملح  لحرارة 90 م (تحكمي بكمية الملح لكي لا تضطري لتحلية الجبنة)

نضع قطع الجبنة بالتدريج وعندما تطفو نصفيها ونضعها على صينية ونضع عليها حبات حبة البركة (شاهدي الفيديو)

نتركها لتبرد وتوضع في مرتبان زجاجي مع ماء الغلي في الثلاجة