Eggplants Munazaleh & Eggplants Quinoa Salad Apptizer
كيفكم يا حلوين وسنة خير علينا وعليكم....
تأخرت عليكم بالبوستات اعذروني وان شاء الله السنة بكون اكثر تنظيما
ونشوف مع بعض اول فلوغ لترتيبات غرفة القعدة والسفرة للشتاء
بتمنى يكون عجبكم الفيديو
ونشوف وصفات اليوم وصفتين بالباذنجان ان بحبه كتير وانتو؟
اول وصفة بتنفع صحن مقبلات بيشهي وممكن طبق رئيسي للنباتيين
الباذنجان بسلطة الكينوا وصوص الطحينة
المقادير
عدد من حبات الباذنحان الصغير (ممكن تستخدموا الكبير كمان) بس للتسهيل بالتقديم الصغير احلى مقسم من النص وخليت القمع زي ما انتو شايفين بالصورة ورشيته ملح وبعد نص ساعة عصرته من المي وقليته (ممكن تشووه كمان
للسلطة
كوب كينوا مطبوخ (انا بفلفلها مثل الرز تماما
نصف كوب رمان
ربع كوب من النعنع المفروم
ربع كوب من البقدونس المفروم
ملح
ملعقة طعام دبس رمان
عصير ليمون
زيت زيتون
لصوص الطحينة
نصف كوب طحينة
ملعقة طعام لبن
ملح وعصير ليمون
سن ثوم مهروس
ماء للوصول لقوام مثل الصوص غير السميك
الطريقة
ترتب قطع الباذنجان المقلية بالصحن
نخلط مكونات السلطة ونعدل الملوحة والحموضة حسب الرغبة
توزع على الباذنجان والباقي حطيته بصحن بالنص للي بيحب يزود كمان
تخلط مكونات صوص الطحينة
نوزعها وتقدم
بيشهي لازم تجربوه
والوصفة الثانية هي منزلة الباذنجان
وابدا مش صعبة بس اللي عملته هو اني قشرت الباذنجان الصغير وشقيته من النص زي الجيبة وملحته بعدين عصرته من المي وقليته
حشيته لحمة مفرومة معصجة مع بصلة وبهارات وصنوبر
عملت صوص بندورة من رب البندورة (حوالي كوب مع 2 كوب مي ومكعب مرق وملعقين طعام دبس رمان وملح وفلفل اسود ورشة قرفة ورشة سكر
حطيت الصوص بصحن الفرن ورتبت الباذنجان وبعدين بالفرن على 180 درجة حوالي 1/2 ساعة
وتقدم مع الارز
Comments
Post a Comment