Eggplants & Five delicious dishes

 احلى شعور بالدنيا هو انه يكون شغلك بيمشي بسرعة... وزوجي العزيز وبمناسبة عيد ميلاده ههههههه جابلي كومبيوتر جديد ....الحقيقة انه الي فترة بعاني من اللابتوب.... بطل يستوعب مع انه ما عليه اي شي غير البرامج بس مسكين عم يحتضر والاشي اللي بياخد ساعة عليه وبدون مبالغة باخد 11 ساعة....فشغل تفقيع....مشان هيك اتوقع وباذن الله انه هلا يصير الشغل افضل واسرع مع صاحبي الجديد اللي لسة عم بسوق عليه لانه لازم انزل بقية برامجي عليه ولانها صار بدها تحديث فيعني بدي شوية وقت بس الصراحة انه شعور رائع...بتمنى كل حد من متابعيني الحلوين تتيسر اموره شو ما كانت ....

فيديو اليوم هو فيديو شهري قررت اعمل كل شهر فيديو اختار فيه مكون واحد واعمل منه 5 اطباق والبطل هاد الشهر هو الباذنجان ...حبيب قلبي... بجد من اروع الخضار واكترها استخداما بالاطباق...سلطة، مقبلات، رئيسي، مربى، للمونة...روعة صدقا بكل المقاييس

ببوست اليوم حبيت اتعاون مع صديقة ومتابعة عندها حساب حلو كتير بالانستجرام اسمه Yummy not tummy ورنا بتحب كتير انها تعمل اكل صحي فهي عملت برضه اكلة لزيزة بالباذنجان مع الموزريلا بتنفع مقبلات او طبق جانبي او حتى مع المعكرونة للناس النباتيين

تابعوها وهي اللينك لحسابها على الانستجرام

https://www.instagram.com/yummynotummy/

اما فيديو اليوم فهو غني بخمس وصفات حبيت فيها اورجيكم طريقتين لطيفتين بتقديم المنزلة والمقلوبة ونوعين مقبلات مشهيين ونوع مقبلات ممكن حفظه عدة شهور واستخدامه بالساندويشات واطباق تانية بدها باذنجان مثل السلطات

اتمنى الفيديو يعجبكم واليكم الوصفات

لوصفة المقلوبة ممكن تزوروا الرابط

https://www.manalsbites.blog/2017/10/blog-post_30.html

لوصفة علي نازك اوالقريب منه الباطرش الحموي ممكن تزوروا الرابط

https://www.manalsbites.blog/2014/03/blog-post_6.html

فعليا النا عملتها اكتر على الطريقة الحموبة وهي باللحم المفروم (شوفوا الفيديو )

اما الوصفات التانية بالفيديو

المنزلة

اما الوصفات الاخرى

مقبلات الباذنجان والزبيب والصنوبر

المقادير:

باذنجانو مقشرة او بدون قشرها مقطعة مطعبات صغيرة ومقلية (ممكن شوي مع شوية زيت زيتون)

حبة ثوم مهروس

1/4 كوب صنوبر محمص

1/4 كوب زبيب اشقر صغير

عصير ليمون (حسب الرغبة)

رشة سماق

ملعقة طعام او اقل قليلا دبس رمان

بقدونس للزينة

الطريقة:

تخلط المقادير معا مع ترك القليل من الصنوبر مع البقدونس للوجة

تقدم كتغميسة او فوق الخبز المجمص

اما الباذنجان المحفوظ بالزيت فهي طريقته 

الباذنجان المحفوظ بالزيت

المقادير:

باذنجانة مقطعة شرائح رفيعة ترش جيدا بالملح وتترك ساعتين وتعصر برفق لخروج كل الماء وتشوى على الجريل وتبرد

2 حبة ثوم مقطعة شرائح رفيعة

ملعقة طعام يهارات ايطالية (ممكن الاستغناء عنها وممكن وضع شرائح فلفل جاف )

150 مل زيت زيتون

100 مل زيت نباتي

60 مل خل يغلى ويبرد

الطريقة:

نخلط نوعين الزيت

نعقم المرتبان بغليه بالماء

نصب الخل البارد بشكل موزع على الباذنجان ونتركه 20 دقيقة

نضع القليل من خليط الزيت بقاع المرتبان ثم عدة شرائح من الثوم ورشة بهارات من الباذنجان بعد تصفيتها من الخل ثم عدة شرائح من الثوم ورشة من البهارات ونكرر (زيت ، باذنجان، ثوم وبهارات) لتنته الكمية

نضع قطعة ورق او عودين خشب بشكل X او قطعة مثل الفيديو لضمان ان يكون الباذنجان مغمور بالزيت

نتركها اسبوع لتتشرب النكهات وممكن تاني يوم (كل شيء ناضج فعليا)

تقدم كمقبلات وممكن بالساندويشات او السلطات